Oʻzbekiston tashqi ishlar vaziri Baxtiyor Saidov Eron tashqi ishlar vaziri Husayn Amir Abdullahiyon bilan onlayn uchrashuv oʻtkazdi.
Taʼkidlanishicha, uchrashuvda hamkorlikning siyosatdan tortib iqtisodiy diplomatiyagacha boʻlgan barcha jabhalari muhokama qilindi.
“Oʻzbekiston va Eron Tashqi ishlar vazirliklari oʻrtasida ikki tomonlama munosabatlarimizni yanada rivojlantirishga qaratilgan va birgalikda hal etishimiz lozim boʻlgan asosiy vazifalar belgilangan “Yoʻl xaritasi”ni imzoladik”, deb yozadi Saidov.
