Toshkent shahrida oʻtkazilgan mazkur muloqotda bu ikki mamlakat oʻrtasida kashf etilmagan keng imkoniyatlar koʻrib chiqildi.
Jumladan, uchrashuv doirasida Oʻzbekiston va Malayziya tashqi ishlar vazirliklari oʻrtasida 2023-2026-yillarga moʻljallangan hamkorlik dasturi imzolandi.
Uchrashuv kun tartibi keng koʻlamli boʻlib, undan har tomonlama hamkorlikni kengaytirish, iqtisodiy diplomatiyani ustuvor yoʻnalish sifatida jadallashtirish, turizmni rivojlantirish, munosabatlarimizning shartnomaviy-huquqiy asoslarini mustahkamlash hamda mintaqaviy va global miqyosdagi masalalar ham oʻrin oldi.
