TIV maʼlumotiga koʻra, mazkur uchrashuv ikki tomonlama doʻstlik va har tomonlama strategik sheriklikni yanada mustahkamlash yoʻlida muhim qadam boʻlib xizmat qiladi.
Kun tartibida siyosiy muloqotni yanada chuqurlashtirish, savdo-iqtisodiy hamkorlik koʻlamini kengaytirish, madaniy-gumanitar almashinuvlarni rivojlantirish hamda mintaqaviy xavfsizlik masalalarida hamkorlikni kuchaytirish kabi dolzarb yoʻnalishlar muhokama qilindi.
Muloqot jarayonida Oʻzbekiston tashqi ishlar vaziri Baxtiyor Saidov va Xitoy tashqi ishlar vaziri Van I ikki mamlakat oʻrtasidagi samarali va konstruktiv aloqalarni yanada mustahkamlash masalalarida oʻzaro fikr-mulohaza almashdi.
