Oʻzbekiston yoshlari jahon shaxmatida tarixiy natijaga erishdi

    Sport 29 Sentabr 2025 1387

    Shu yilning 22–29-sentyabr kunlari Peru poytaxti Lima shahrida 20 yoshgacha boʻlgan yoshlar oʻrtasida rapid (tezkor) va blis shaxmat yoʻnalishlari boʻyicha Jahon chempionati boʻlib oʻtdi.

    Musobaqada 19 mamlakatdan 89 nafar yosh shaxmatchi qatnashdi. Oʻzbekiston terma jamoasidan 6 nafar isteʼdodli sportchi yurtimiz sharafini munosib himoya qilib, jami 2 ta oltin, 2 ta kumush va 1 ta bronza medalni qoʻlga kiritdi.

    Rapid boʻyicha natijalar:

    - Muhammadzohid Suyarov – 7,5 ochko bilan oltin medal sohibi;

    - Muhiddin Madaminov – 7 ochko bilan kumush medal sohibi;

    - Afruza Hamdamova – 6,5 ochko bilan qizlar oʻrtasida faxrli ikkinchi oʻrin egasi boʻldi.

    Blis boʻyicha natijalar:

    - Madaminov Muhiddin – 12 ochko bilan oltin medal va jahon chempioni;

    - Suyarov Muhammadzohid – 10 ochko bilan bronza medal;

    - Omonova Umida – 9,5 ochko bilan kumush medal;

    - Begmuratov Humoyun – 9 ochko bilan 4-oʻrin;

    - Xalilova Madinabonu – 8 ochko bilan 6-oʻrin egasi boʻldi.