2022-yil hosili uchun respublika hududlarida 330,5 ming gektardan ortiq maydonlarga dukkakli don ekinlari ekilgan boʻlib, shundan 35,8 ming gektari (11%) loviya ekini ulushiga toʻgʻri keladi (oʻtgan yilga nisbatan 5,9 ming gektar koʻp). Loviya asosiy ekin sifatida 5,1 ming gektar va takroriy ekin sifatida 24,5 ming gektar maydonlarga hamda 6,1 ming gektar bogʻ qator oralariga joylashtirilgan. Bugungi kunda Andijon, Jizzax, Namangan, Samarqand, Toshkent, Qashqadaryo, Fargʻona, Sirdaryo, Surxondaryo viloyatlari fermer va dehqon xoʻjaliklari tomonidan parvarishlanyapti, deb xabar beradi Qishloq xoʻjaligi vazirligi matbuot xizmati.
Loviya ekinining oʻsuv davri qisqa, ertapisharligi sababli respublikamiz sharoitida bir yilda ikki marta don hosili yetishtirish imkoniyati mavjud. Jumladan, erta bahorda asosiy ekin sifatida va kuzgi boshoqli don ekinlaridan boʻshagan maydonlarga takroriy ekin sifatida ekish tavsiya etiladi.
