1-iyuldan oʻzini oʻzi band qilgan shaxslar uchun soliq organlariga tashrif buyurmasdan roʻyxatdan oʻtishning soddalashtirilgan tartibi tatbiq etildi. Buning uchun, SOLIQ (ssilka) mobil ilovasini yuklab olib, uning “Oʻzini oʻzi band qilish” boʻlimidan foydalanishning oʻzi kifoya.
DSQ matbuot xizmati xabariga koʻra, 2020-yil 30-iyul holatiga oʻzini oʻzi band qilganlarning umumiy soni 201 283 nafarni tashkil etdi. Hududlar kesimida yetakchi uchlik – Samarqand, Namangan va Buxoro viloyatlari.
Qoraqalpogʻiston Respublikasi |
8 997 |
Andijon viloyati |
11 713 |
Buxoro viloyati |
21 641 |
Jizzax viloyati |
5 857 |
Qashqadaryo viloyati |
14 476 |
Navoiy viloyati |
6 729 |
Namangan viloyati |
24 368 |
Samarqand viloyati |
28 515 |
Surxondaryo viloyati |
11 446 |
Sirdaryo viloyati |
5 852 |
Toshkent viloyati |
13 855 |
Fargʻona viloyati |
17 466 |
Xorazm viloyati |
11 268 |
Toshkent shahri |
19 100 |
Oʻzini oʻzi band qilganlar uchun mavjud boʻlgan 67 turdagi faoliyatdan Axborot kommunikatsiya yoʻnalishi boʻyicha xizmatlar (ijtimoiy tarmoqlardagi faoliyat, dasturiy taʼminot, mobil ilovalar va veb saytlarnii ishlab chiqish, matnni yaratish va ishlov berish) - 2 995 nafar shaxs oʻzini oʻzi band qilgan.
Eng ommabop – Maishiy xizmatlar (sartaroshlik, manikyur, kosmetolog, pedikyur, uyda kir yuvish va dazmollash, kalitlar tayyorlash, poyabzal tikish, taʼmirlash va boʻyash xizmatlari). Mazkur yoʻnalishda 54 932 nafar aholi band.
Qishloq xoʻjaligi yoʻnalishi boʻyicha xizmatlar (chorva mollarini oʻtlatish, ularni parvarish qilish, qishloq xoʻjalik oʻsimliklarini ekish va parvarish qilishda tomorqa egalariga yordam berish) sohasida esa 42 947 nafar shaxs oʻzini oʻzi band qilgan;
Sanoat yoʻnalishi boʻyicha xizmatlar (yogʻoch meʼmorchiligi, santexnika xizmati, elektr montaj ishlari, makulatura, plastik idish, temir tersak toʻplash va qoʻshimcha xomashyo toʻplash) bilan 34 768 nafar shaxs shugʻullanmoqda;
Ijtimoiy yoʻnalishlar boʻyicha xizmatlar (uyda repetitorlik qilish, bolalarga qarab turish va ularni parvarish qilish, uy xoʻjaligini yuritish, xonalarni tozalash, xalq tabobati) sohasini 33 837 nafar shaxs maʼqul topgan;
Xalq isteʼmoli mollari ishlab chiqarish va xizmatlar koʻrsatishda (non, uyda pop-korn, muzqaymoq, salatlar, salqin ichimliklar, ayron, goʻja hamda dehqon bozorlarida qishloq xoʻjaligi mahsulotlarini sotish) 31 788 nafar fuqaro roʻyxatdan oʻtdi;
Oʻzini oʻzi band qilishning afzalliklari haqida eslatib oʻtamiz:
- mehnat faoliyati natijasida olgan daromadlaringiz jismoniy shaxslar jami daromadlari tarkibiga kiritilmaydi;
- bir yilda bir marta ijtimoiy soliq toʻlash kifoya (2020-yil uchun eng kamida 111 500 soʻm);
- oʻzini oʻzi band qilgan shaxslar uchun nazarda tutilgan faoliyat turlari bilan shugʻullanuvchi, ishtirokchilari soni kamida uch nafar boʻlgan oilaviy korxonalar aylanmadan soliqni belgilangan miqdordan 50 foizga kamaytirilgan stavkada toʻlaydilar.