O'zbekistonning tegishli davlat idoralari tomonidan “Ozarbayjonning qadimiy Shusha shahri Turkiy dunyoning madaniyat poytaxti” nomli pochta markasini chiqarish loyihasi qo'llab-quvvatlandi va pochta markasini O'zbekiston Markaziy pochta bo'limi tomonidan ichki va xalqaro muomalaga chiqarish rejalashtirilgan.
Maxsus ishlab chiqilgan pochta markasida Shusha qal'asi, Ozarbayjon bayrog'i tasviri, Qorabog'ning maftunkor tabiati — Shusha, tumanga burkangan mahobatli tog'lar, jahonga mashhur mutafakkirlar, shoirlar, Shushalik taniqli insonlar, viloyat va shaharga tog'lardek obro' va shon-shuhrat keltirgan, milliy madaniyatni aks ettiruvchi zarblar, milliy cholg'u asboblari (gaval, tor, kamon), shuningdek, “Xaribulbul” gulining rasmiy qiyofasi o'z aksini topgan.
O'zbekistondagi Haydar Aliev nomidagi Ozarbayjon Madaniyat Markazidan olingan ma'lumotlarga ko'ra, Shusha shahri TURKSOY tomonidan Turk dunyosining madaniy poytaxti deb e'lon qilingani munosabati bilan Xalqaro Turk madaniyati va merosi jamg'armasi ko'magida O'zbekistonda Shusha kunlari tadbirlari o'tkazildi va ikki davlat Madaniyat vazirliklarida boshqarmalar tashkil etildi. Vikipediyada Shusha haqida o'zbek tilida bo'limlar yaratildi. O'zbekiston ommaviy axborot vositalari vakillarining Qorabog'-SHushaga media-sayohatlari uyushtirildi va tez orada shahar haqida bir qancha etakchi tillarda qomusiy nashr chop etiladi. Mazkur ma'lumotlarda qayd etilgan loyihalar yil oxirigacha davom etishi ta'kidlangan.
Qayd etish joizki, “Ozarbayjonning qadimiy Shusha shahri — Turkiy dunyoning madaniy poytaxti” nomli pochta markasi O'zbekiston va Ozarbayjon muzeylariga, ikki respublikaning davlat va hukumat vakillariga yuboriladi, shuningdek, pochta markalarini taqdim etish marosimlari Toshkent va Bokuda bo'lib o'tadi.
