Rossiya Federatsiyasi taʼlim va fan vazirligi buyrugʻiga asosan “MISIS”ning Olmaliq filiali direktori, texnika fanlari doktori Farxodbek Yarqulovich Umarov “Taʼlim va fan-texnika taraqqiyoti sohasida davlat siyosatini amalga oshirishga qoʻshgan hissasi uchun” medali bilan taqdirlandi.
Ushbu medal ilmiy, ilmiy-texnikaviy va innovatsion faoliyatni, nanotexnologiyalarni, shuningdek, fan va yuqori texnologiyalar markazlarini, intellektual mulkni rivojlantirishga katta hissa qoʻshgan olimlarga beriladi.
Taqdirlash marosimi joriy yilning 26-dekabr kuni boʻlib oʻtdi. Fan va texnologiya universitetining “MISIS” madaniyat saroyida boʻlib oʻtgan tadbir davomida filialning ajoyib jamoasi erishgan asosiy yutuqlari qayd etildi.
Eslatib oʻtamiz, texnika fanlari doktori F.Umarov 2018-yilda Yevro-Osiyo konchilik fanlari akademiyasining eng yosh akademigi sifatida ham eʼtirof etilgan.
