Uchrashuvda ikki davlat oʻrtasidagi ikki tomonlama hamkorlikni rivojlantirish istiqbollari muhokama qilindi.

Vazir Imma Tor Faus Oʻzbekistonda soʻnggi yillarda amalga oshirilayotgan islohotlarni yuqori baholab, respublika Markaziy Osiyo mintaqasi taraqqiyotiga salmoqli hissa qoʻshayotgan lokomotivga aylanganini taʼkidladi. Toshkent va Afgʻoniston oʻrtasidagi faol muloqotga, jumladan, Oʻzbekistondan insonparvarlik va ijtimoiy yordam koʻrsatish, ayollar huquqlarini himoya qilish va afgʻon yoshlari uchun taʼlim dasturlarini tashkil etishda amaliy yordamga alohida eʼtibor qaratildi.

Andorra TIV rahbari, shuningdek, Oʻzbekistonning xalqaro tashkilotlar doirasidagi tashabbuslari, ayniqsa, atrof-muhit va iqlim oʻzgarishi masalalarida muhimligini qayd etdi.

«Oʻzbekistonning Andorraga yangi elchisining tayinlanishi ikki mamlakat oʻrtasida turli sohalarda, jumladan, savdo-iqtisodiy sohada, shuningdek, turizm, xususan, togʻ turizmi kabi sohalarni qoʻllab-quvvatlashdagi hamkorlikni faollashtirishga xizmat qiladi«, dedi u.

Uchrashuv yakunida Andorra tomoni Oʻzbekistonda boʻlib oʻtadigan xalqaro tadbirlarda, jumladan, Parlamentlararo ittifoq va YUNESKO yigʻilishlarida ishtirok etish uchun Knyazlikning yuqori martabali vakillarini yuborishga tayyorligini tasdiqladi.