Eslatib oʻtamiz, Furqat Sidiqov may oyida Oʻzbekistonning AQSHdagi elchisi sifatida Prezident Jo Baydenga ishonch yorliqlarini topshirgan edi. Shuningdek, u oktyabr oyida Oʻzbekistonning Braziliyadagi elchisi (qarorgohi Vashingtonda) etib tayinlanganligi toʻgʻrisidagi ishonch yorligʻi nusxasini topshirgan.
Avval Oʻzbekiston tashqi ishlar vazirining birinchi oʻrinbosari lavozimida ishlagan Furqat Sidiqov 52 yoshda. U 1993-yilda Toshkent davlat texnika universitetini tamomlagan. Mehnat faoliyati davomida “OʻzDeuElektroniks” QK, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti ishlagan.
2002-yildan beri TIV tizimida turli lavozimlarda faoliyat koʻrsatib kelmoqda. Xususan, Oʻzbekistonning AQSHdagi elchixonasida, Pokistondagi elchi, vazirning oʻrinbosari va birinchi oʻrinbosari lavozimlarida ishlagan.
Furqat Sidiqov 2017-2023-yillarda Oʻzbekistonning AQSH, shuningdek, oʻrindoshlik asosida Kanada va Braziliyadagi elchisi boʻlib ishlagan Javlon Vaxobov oʻrniga tayinlangan.
