Muloqotda parlamentlararo hamkorlik va aloqalarni kengaytirish masalalari muhokama qilindi.
Uchrashuv avvalida M.Shentop Oʻzbekiston Respublikasi Prezidenti saylovi muvaffaqiyatli oʻtgani bilan tabrikladi.
M.Shentop parlamentlar ikki tomonlama munosabatlar asoslarini mustahkamlash boʻyicha oʻz oldiga aniq maqsadlar qoʻyganini taʼkidladi. “Bu ikki mamlakat qonun chiqaruvchi organlari oʻrtasidagi hamkorlikni yanada rivojlantirishga xizmat qiladi. Savdo-iqtisodiy, investitsiyaviy va madaniy-gumanitar aloqalarni rivojlantirishning huquqiy asoslarini taʼminlashga qoʻsha oladigan hissamizga alohida eʼtibor qaratamiz. Buning uchun doʻstlik guruhlari va parlamentlararo aloqalar imkoniyatlaridan faol foydalanishga tayyormiz”.
Tomonlar ikki mamlakat parlamentlarining vazifasi oliy darajada erishilgan barcha kelishuvlarni qonunchilik yoʻli bilan taʼminlash va davlat rahbarlari tomonidan qoʻllab-quvvatlanayotgan aloqalar hamda hamkorlik surʼatlarini izchil davom ettirishdan iborat ekanini taʼkidladi, deb xabar beradi Oʻzbekiston Respublikasi Oliy Majlisi Senatining Axborot xizmati.