Har qancha gapirilsada, jazolar tayinlansada, atrofimizda hali ham korrupsion holatlar uchrab turibdi. Bu albatta, insonlarning bugungi kungacha firibgarlarga ishonib, aldanib qolayotganidan dalolatdir.

Jumladan, “Toshkent metropoliteni” DUK “Harakat” xizmati xodimi X.N. ismli shaxs fuqaro D.M. ning ishonchiga kirib, uni 2 000 000 soʻm evaziga ishga joylab qoʻyishga kelishgan va undan 1 000 000 soʻm miqdorda pora olayotgan vaqtida, Oʻzbekiston Respublikasi IIV T va TOXTD ning Metropolitenda xavfsizlikni taʼminlash boshqarmasi tomonidan “Toshkent metropoliteni” DUKning “Rejim tartibini taʼminlash” xizmati xodimlari bilan hamkorlikda oʻtkazilgan tadbirda ashyoviy dalillar bilan qoʻlga olindi.

X.N. ga nisbatan huquqni muhofaza qiluvchi organlar tomonidan Oʻzbekiston Respublikasi Jinoyat kodeksining 168-moddasining 3-qismi b-bandi bilan jinoyat ishi qoʻzgʻatilib, oʻrnatilgan tartibda hibsga olingan.