Praga tez tibbiy yordam xizmati yotoqxonada yashovchi 15 kishiga yordam ko'rsatganini ma'lum qilgan.
“Ikki kishi jonlantirish bo'limiga yotqizildi, afsuski, bir kishi vafot etdi”, — deyiladi xabarda.
Mahalliy yong'in va qutqaruv xizmatining ma'lum qilishicha, yotoqxonada jami 15 kishi va yettita uy hayvoni bo'lgan.
“Odamlarni qutqarish chog'ida yana ikki politsiyachi tutundan zaharlangan va ularga yordam ko'rsatilmoqda”, — deya qo'shimcha qildi qutqaruvchilar.
Yong'inning kelib chiqish sabablari mutaxassislar tomonidan aniqlanmoqda, deb xabar beradi korrespondent.net.
