Oʻzbekiston elchisi Ravshan Usmanov Qashqadaryo viloyati hokimining investitsiyalar va eksport masalalari boʻyicha yangi tayinlangan maslahatchisi – Britaniyaning “Room Seven Capital Partners” kompaniyasining boshqaruvchi hamkori Peter Margetts bilan uchrashuv oʻtkazdi.
Suhbat davomida Qashqadaryo viloyatiga xorijiy investitsiyalarni va kompaniyalarni jalb qilish masalalari muhokama qilindi.
Muzokaralar yakunida joriy yil 4-noyabr kuni Britaniya ishbilarmon doiralari vakillarining Oʻzbekistonga biznes-missiyasini tashkil etish boʻyicha kelishuvga erishildi.
Tashrif davomida Britaniya delegatsiyasi Oʻzbekistonning vazirlik va idoralarida hamda Toshkent, Qarshi va Termiz shaharlarida V2V formatida bir qator uchrashuvlar oʻtkazadi.
