Qarshi va Kitob tumanlarida 120 xonadonli, Shahrisabz tumanida esa 180 xonadonli uy-joylar quriladi, deyiladi Qashqadaryo viloyat hokimligi axborot xizmati bergan xabarda.
Mazkur uy-joylar Prezidentning 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan ta'minlashga oid qo'shimcha chora-tadbirlar to'g'risida”gi farmoniga asosan qurib bitkazilmoqda.
— Ko'pchilik yurtdoshlarimizda shunday uy-joylardan olish uchun nima qilish kerak degan savol tug'ilyapti, — deydi “Qishloqqurilishinvest” injiniring kompaniyasi viloyat filiali direktori Qo'yli Narzullayev. — Dasturdagi arzon uy-joylardan olish uchun fuqaro tuman hokimligi huzuridagi talabgorlarni aniqlash komissiyasiga ariza bilan murojaat qilib, hujjatlarini taqdim etishi kerak.
Qo'yli Nazullayevning qo'shimcha qilishicha, 2021-yil yakuniga qadar aholi talabidan kelib chiqib, Shahrisabz tumanida yana 540 xonadonli 27 ta uy qurilishi ham rejalashtirilgan bo'lib, qurilish ishlari boshlanish arafasida turibdi.
