“Yig'ilishda 2025-yil 13-mart kuni Bishkek shahrida imzolangan “Qirg'iziston Respublikasi va Tojikiston Respublikasi o'rtasida Qirg'iziston-Tojikiston davlat chegarasi to'g'risidagi shartnomani ratifikatsiya qilish to'g'risida”gi qonun loyihasi uch o'qishda ko'rib chiqilib, qabul qilindi”, deyiladi xabarda.
Ta'kidlanishicha, deputatlar Dushanbe bilan yo'llar qurish va ulardan foydalanish to'g'risidagi shartnomani hamda suv xo'jaligi va energetika obyektlaridan foydalanishni ta'minlash bo'yicha shartnomani ham ratifikatsiya qilgan.
Qirg'iziston va Tojikiston o'rtasidagi ming kilometr uzunlikdagi chegara vaqti-vaqti bilan mahalliy aholi va ikki davlat chegarachilari o'rtasidagi jiddiy mojarolar hududiga aylanib qolgandi. Bunga Tojikistonning So'g'd viloyati va Qirg'izistonning Botken viloyati o'rtasidagi delimitatsiya qilinmagan hududlar sabab bo'lgan. 2025-yilning fevralida Bishkekdagi muzokaralardan so'ng Qirg'iziston va Tojikiston delegatsiyalari delimitatsiya bo'yicha yakuniy bayonnomani imzolashdi. Emomali Rahmonning 13-mart kuni Qirg'izistonga davlat tashrifi chog'ida davlat chegarasi to'g'risidagi bitim Prezidentlar tomonidan imzolangandi, deb xabar beradi ria.ru.
