Qoʻqon shahrida yomgʻir yogʻishi va shamol sababli chinor daraxti toʻxtab turgan “Nexia-2” ustiga qulab tushdi.
Fargʻona viloyati IIB JXX YHXB axborot xizmatining xabar berishicha, hodisa joyiga FVV qutqaruvchilari, YPX hamda boshqa tegishli tashkilotlar xodimlari yetib borib, vaziyat oqibatlarini bartaraf etilgan.
Maʼlumotlarga koʻra, shu yilning 06-noyabr kuni Qoʻqon shahar “Sarboz” koʻchasida yomgʻir yogʻishi va shamol sababli chinor daraxti shu koʻchada toʻxtab turgan “Nexia-2” avtomobili ustiga qulab tushgan.
Avtomobilda haydovchi va yoʻlovchi boʻlmaganligi sababli tan jarohati olganlar mavjud emas, — deyiladi xabarda.
