Mazkur dispanserning rekonstruksiya ishlariga jami 6,860 milliard soʻm mablagʻ ajratilgan boʻlib, zamonaviy asbob-uskunalar va inventar bilan taʼminlangan. Imoratning birinchi qavatida dispanser poliklinikasi faoliyat koʻrsatib, sifatli tibbiy tekshiruvlarni amalga oshirish uchun har bir mutaxassisga toʻliq qulayliklar yaratilgan. Shuningdek, imoratning ikkinchi va uchinchi qavatida endokrin kasalliklar bilan ogʻrigan bemorlarni statsionar sharoitda davolash uchun bir, ikki va uch kishilik palatalar ajratilgan. Dispanserda bemorlar va tibbiyot xodimlariga alohida qulaylik yaratish maqsadida lift ishga tushirilgan, deb xabar beradi Sogʻliqni saqlash vazirligi matbuot xizmati.