Milliy gvardiya markaziy devonida Milliy gvardiya qoʻmondoni, general -mayor R. Djurayev ishtirokida tantanali yigʻilish boʻlib oʻtdi.
Tadbirda qoʻmondon oʻrinbosarlari, Markaziy devon boshqarma boshliqlari, brigada komandirlari, shuningdek, Jamoat xavfsizligi universiteti va Milliy gvardiya ixtisoslashtirilgan oʻquv markazi rahbarlari ishtirok etdi va shu bilan qatorda hududiy boshqarmalar hamda viloyat oʻquv markazlari boshliqlari boʻlsa videokonferensaloqa orqali qatnashdi.
Uchrashuv davomida rahbarlar ikki qardosh mamlakat oʻrtasida xavfsizlik va harbiy kadrlar tayyorlash sohasidagi hamkorlikni rivojlantirish va mustahkamlash muhimligini alohida taʼkidlab oʻtishdi.
Qozogʻiston delegatsiyasi rahbari Oʻzbekiston va Qozogʻiston oʻrtasidagi hamkorlik mustahkam koʻp asrlik doʻstlik va ahil qoʻshnichilik rishtalariga asoslanganini taʼkidladi.
Uchrashuv yakunida rahbarlar bir qator amaliy chora -tadbirlarni oʻz ichiga olgan 2022-yilga moʻljallangan ikki tomonlama hamkorlik rejasini imzoladi.
Bundan tashqari, delegatsiya aʼzolari tashrif doirasida Jamoat xavfsizligi universiteti, Ixtisoslashtirilgan oʻquv markazi, Gʻalaba bogʻi, shuningdek, Milliy gvardiyaning bir qator boʻlinmalariga tashrif buyurdi.
Tashrif anʼanaviy hamda doʻstona muhitda boʻlib oʻtyapti, deb xabar beradi Oʻzbekiston Respublikasi Milliy gvardiyasi matbuot xizmati.