Migratsiya agentligi Qozogʻistonda boʻlib turgan va tranzit yoʻnalishida harakatlanayotgan Oʻzbekiston fuqarolarini ogohlantirdi.

Qayd etilishicha, Qozogʻiston hududlarida ob-havoning keskin sovushi natijasida yoʻllarda harakatlanish bilan bogʻliq noqulayliklar yuzaga kelmoqda.

Magistral yoʻllarga kuchli qor boʻronlari hamda muzlash holatlari kuzatilmoqda. Bu esa avtoyoʻllarda harakatlanishda qiyinchiliklar keltirib chiqarmoqda.

«Shu munosabat bilan, qoʻshni davlatda boʻlib turgan Oʻzbekiston fuqarolaridan yoʻllarda harakatlanishda barcha xavfsizlik qoidalariga qatʼiy rioya qilishni, juda zarur boʻlganda poyezd yoki samolyotga chiqishlarini, zarurat boʻlmaganda uzoq masofali yoʻllarda transport vositalarida harakatlanmay turishlaringizni soʻraymiz«, deyiladi xabarda.