Qozogʻistonlik mehmonlarga IT Park faoliyati, Oʻzbekistonda amalga oshirilayotgan loyihalar va axborot texnologiyalari sohasidagi islohotlar haqida soʻzlab berildi. Qolaversa, mehmonlarga IT Park ofisi boʻylab ekskursiya uyushtirilib, qurilayotgan IT-majmuasi haqida aytib oʻtildi.
Bundan tashqari, mehmonlar Qozogʻistonning Agromarket startapi, Oʻzbekiston bozoriga kirmoqchi ekanligi haqida soʻzlab berdilar.
Agromarket – bu qishloq xoʻjaligi mahsulotlariga bagʻishlangan platforma boʻlib, fermerlarga oʻz mahsulotlarini oxirgi xaridorlarga vositachilarsiz sotish imkonini beradi.
Mehmonlar IT-mutaxassislarini tayyorlash yoʻnalishida amalga oshirilayotgan loyihalar va rivojlanish koʻlamini taʼkidladilar. Qolaversa, ular Oʻzbekiston bozorining ulkan salohiyatini taʼkidlab, hamkorlik va qoʻshma loyihalarni amalga oshirishga qiziqish bildirdi, deb xabar beradi it-park.uz
