Germaniyada bo'lib o'tayotgan ommaviy ish tashlashlar tufayli mamlakatning bir qator yirik aeroportlarida ish to'g'ri tashkil etilmayotgani avvalroq ma'lum qilingandi. “Real Madrid” futbolchilari va murabbiylar shtabi bo'lgan samolyot Leypsigdan 160 kilometr uzoqlikda joylashgan Erfurt aeroportiga qo'nishga majbur bo'ldi. Ispaniya terma jamoasi futbolchilari avtobusda bir yarim soat ichida manziliga yetib borishdi.
Manbaga ko'ra, Ayxelborn va Nora o'rtasidagi avtomagistralda oq rangli Toyota Avensis yo'lning narigi qatoriga o'tayotib, “Real Madrid” avtobusini turtib ketishi oqibatida yon oynasi sinib tushgan. Avtobusning o'ziga kamroq zarar yetgan.
Chempionlar ligasi 1/8 finalining birinchi o'yini, “Leypsig” va “Real” o'rtasidagi bahs 13-fevral, seshanba kuni bo'lib o'tadi va Moskva vaqti bilan soat 23:00 da boshlanadi. Javob o'yini 6-mart kuni Madridda bo'lib o'tadi, deb xabar beradi rsport.ria.ru.