Unga koʼra, 2023-yil 1-yanvardan boshlab yangi dori vositalari klinik tadqiqotlarning ijobiy natijasi asosida davlat roʼyxatidan oʼtkaziladi.
Аlohida dori vositalarini klinik tadqiqotlarsiz davlat roʼyxatidan oʼtkazish Sogʼliqni saqlash vazirligi tomonidan belgilangan tartibga muvofiq amalga oshiriladi va joyiga chiqqan holda ishlab chiqarish sharoitlarining “Zarur ishlab chiqarish amaliyoti – GMP” talablariga muvofiqligi oʼrganilganidan soʼng davlat roʼyxatidan oʼtkaziladi.
Shuningdek, retseptsiz beriladigan dori vositalarining roʼyxatini Sogʼliqni saqlash vazirligi tomonidan tasdiqlash tartibi bekor qilinadi.
Dori vositalarining retsept boʼyicha va retseptsiz berilishi ularning tibbiyotda qoʼllanilishiga doir yoʼriqnomalarda belgilangan tartibda amalga oshiriladi.
Dori moddalarini (substantsiyalarni) davlat roʼyxatidan oʼtkazish tartibi va Oʼzbekiston Respublikasidan tashqarida amalga oshirilgan dori vositalarining roʼyxatdan oʼtkazish natijalarini tan olishda standart namunalarini talab etish ham bekor qilinadi.
Davlat tibbiy sugʼurtasi jamgʼarmasi orqali moliyalashtiriladigan respublika darajasidagi davlat statsionar tibbiyot muassasalarida bemorlarni dori vositalari va tibbiy buyumlar bilan taʼminlash shifoxona orqali amalga oshiriladi.
Аlohida holatlarda shifoxonada bemorlar tomonidan olib kelingan dori vositalari va tibbiy buyumlarni ishlatishga ruxsat berish tartibi esa Sogʼliqni saqlash vazirligi tomonidan belgilanadi.
Bemorlarni shifoxonaning oʼzida dori vositalari va tibbiy buyumlar bilan taʼminlash respublika darajasidagi shifoxonalarda 2023 yil davomida tajriba-sinov tariqasida amalga oshiriladi.
