Tibbiyot fanlari nomzodi Igor Balabanov Namanganga muntazam tashrif buyurib mahorat darslari oʻtadi, kardioxirurgiya va kardiologiya sohasida oʻz markazida qilinayotgan yuqori texnologik amaliyotlar bilan oʻrtoqlashib turadi.
- Oʻtgan yili pandemiya tufayli kelolmadim, ikki yilda shuncha oʻzgarish, tibbiy-texnologik qurollanishni koʻrib havas qildim. Bir hafta Namangan ahli xizmatidaman. Har kuni bemor koʻraman, yosh shifokorlarga maʼruza oʻqiyman. Hozirgacha ikkita murakkab yurak jarrohlik operatsiyasini amalga oshirdik, - deydi shifokor.