Indoneziyaning Bali shahrida oʻtkazilayotgan qilichbozlik boʻyicha Osiyo chempionatida Oʻzbekiston terma jamoasi yana bir medalga erishdi.
Qayd etilishicha, bu gal sablyachi yigitlarimiz jamoaviy dasturda shohsupaga koʻtarildilar.
Dastlabki bosqichda Makaoni 45:15 magʻlub etgan hamyurtlarimiz chorak finalda Xitoydan 45:43 hisobida ustun kelishdi.
Biroq murosasiz kechgan yarim final jangida Yaponiyaga 44:45 hisobida imkoniyat boy berildi. Uchinchi oʻrin uchun kechgan bellashuvda esa Gonkong 45:39 hisobida magʻlub etildi.
Turkiyaning Istanbul shahrida qilichbozlikning sablya yoʻnalishi boʻyicha Satellite tasnifidagi musobaqa oʻtkazildi. Unda ishtirok etgan Oʻzbekiston terma jamoasi aʼzolaridan Musa Aymuratov bronza medali bilan taqdirlandi.
Xitoyning Usi shahrida qilichbozlik boʻyicha oʻsmirlar va yoshlar oʻrtasidagi jahon chempionatining jamoaviy dasturida ishtirok etgan sablyachi yoshlarimiz qizlar va yigitlar oʻrtasidagi dasturlarda bronza medallariga sazovor boʻldi.
