Tadbirdan ko‘zlangan asosiy maqsadlar — narkotiklarning noqonuniy aylanmasiga qarshi kurash samaradorligini oshirish, ilg‘or xalqaro tajribani o‘rganish va amaliyotga joriy etish, zamonaviy tahdidlarga qarshi kompleks yondashuvlarni ishlab chiqish hamda davlatlararo hamkorlikni mustahkamlashdan iborat.

Forumda BMT, Interpol, Yevropa Ittifoqi, Shanxay hamkorlik tashkiloti, Mustaqil Davlatlar Hamdo‘stligi, Jahon bojxona tashkiloti kabi 20 dan ortiq nufuzli xalqaro tuzilmlar, 50 ga yaqin davlatdan huquqni muhofaza qiluvchi organlar rahbarlari hamda 500 ga yaqin ekspert va mutaxassislar ishtirok etishi kutilmoqda.

Shuningdek, forum doirasida yoshlari sammits ham tashkil etilib, unda yoshlar o‘rtasida giyohvandlikning oldini olish, sog‘lom turmush tarzini targ‘ib etish, ijtimoiy faollikni oshirish va ularning global muammolar echimidagi ishtirokini kuchaytirish masalalari muhokama qilinadi.

Forum davomida narkotik vositalar noqonuniy aylanmasining global va mintaqaviy tendensiyalari, yoshlar va voyaga etmaganlar o‘rtasida profilaktika tizimini takomillashtirish, davolash va rehabilitatsiya jarayonlarini rivojlantirish, shuningdek, raqamli texnologiyalar va sun’iy intellektdan samarali foydalanish masalalari atroflicha ko‘rib chiqiladi.

Mazkur anjuman xalqaro hamkorlik mexanizmlarini kengaytirish, narkotahdidlarga qarshi kurashda yagona yondashuvlarni shakllantirish hamda O‘zbekistonning xalqaro maydondagi nufuzini yanada mustahkamlashga xizmat qilishi kutilmoqda.