Oʻzbekiston Respublikasi Prezidentining 2023-yil 21-noyabrdagi “Ayrim sanoat tarmoqlarida sifatli va raqobatbardosh mahsulotlar ishlab chiqarishga qaratilgan qoʻshimcha chora-tadbirlar toʻgʻrisida” PF–198-son Farmoni bilan sanoat zonalarida yer maydonlari va bino-inshootlarni elektron onlayn-auksion orqali ijaraga berishda sotib olish toʻlovlarini 24 oy muddatda boʻlib-boʻlib toʻlashga ruxsat etildi.
Bunga qadar 12 oy muddatga boʻlib toʻlash imkoniyati berilgan edi.
Ushbu Farmon ijrosini taʼminlash maqsadida “E-auksion” elektron savdo platformasida erkin iqtisodiy zona, turistik rekratsion zona, maxsus sanoat zona, kichik sanoat zona va yoshlar sanoat zonalaridagi yer uchastkalarini sotib olishda toʻlovlarni yigirma toʻrt oy muddatda boʻlib-boʻlib toʻlash imkoniyati yaratilgan.
Ayni paytda 4,5 mingdan ortiq sanoat zonalaridagi yer uchastkalari e-auksion.uz saytiga savdoga chiqarilgan boʻlib, roʻyxatdan olgan holda sotib olishingiz mumkin.