Ilgari xabar berganimizdek, “Bo'zatov FEST” yoshlar ovozi tanlovining respublika bosqichi joriy yilning 10-15 may kunlarida Qoraqalpog'iston Respublikasida bo'lib o'tmoqda.
Bugun,11 may kuni Nukus shahrida qurilgan maxsus pavilonda YOshlar ovozi festivalining final bosqichiga start berildi. Baxshichilik yo'nalishida 10-30 yoshgacha bo'lgan 31 nafar ishtirokilar o'z iqtidorlarini namoyish etdi.
- To'g'risini aytadigan bo'lsam, bugun men uchun juda quvonchli va shu bilan birga juda ham mas'uliyatli kun bo'ldi. Baxshichilik yo'nalishidagi ijroimni tugatanimdan so'ng, zaldagi tomoshabinlarning olqishlaridan ko'nglim tog'dek ko'tarlidi. Demak, men unchalik ham yomon kuylamadim. Ayniqsa, onajonimning ko'zlaridan oqgan quvonch yoshlarini ko'rib, shu tanlovda g'olib bo'lishni juda istadim... Nima bo'lganda ham bu tanlov hayotimda tub bir burilish yasadi. Uni tashkil qilgan tashkilotchilarga katta raxmat, - deydi qoraqolpog'istonlik tanlov ishtirokchisi Ashirbek Qo'ziboev.
Ha, “Bo'zatov FEST” yoshlar ovozi tanlovining respublika bosqichi bu yil ham o'z g'oliblarini munosib saralashiga ishonamiz.
Zero, zargar zar qadrini bilganidek, tanlov ishtirokchilarining chiqishlarini hakamlar hay'ati a'zolari, O'zbekiston xalq artistlari Munojot Yo'lchieva, Ismoil Jalilov kabi bir qancha xalqimiz ardoqlagan sevimli san'atkorlar jamoasi saralab bormoqda.
YAqin kunlarda tanlov qatnashchilaridan, eng iqtidorlilari, ya'ni yosh yulduzlar kashf qilinadi. SHunday ekan bo'lajak g'oliblarni, Bo'zatovning maxsus shohsupasi to'ridan joy egallashiga ham sanoqli kunlar qoldi.,
YAna shuni ma'lumot o'rnida qayd etib o'tmoqchimiz-ki, tanlov ishtirkchilari, 12 may kuni opera, 13 mayda an'anaviy ijrochilik, 14 mayda esa estrada yo'nalishida o'z iste'dodlarini namoyish etadilar.
Gulichehra DURDIEVA,
“YAngi O'zbekiston” muxbiri
