Yangi chaqiriq parlament quyi palatasining 336 nafar deputatidan 201 nafari Pokiston musulmon ligasi yetakchisiga ovoz berdi. Uning Pokiston hukumati rahbari lavozimi uchun kurashdagi raqibi, Milliy assambleyaning yangi chaqiriq deputati, “Adolat uchun harakat” partiyasi bosh kotibi Umar Ayub Xon 92 ovoz oldi.
Sharif 4-mart kuni qasamyod qiladi. U 2022-yilning aprelidan 2023-yilning avgustigacha Pokiston hukumatini boshqargan. Undan oldingi, o'sha paytdagi “Adolat harakati” partiyasining raisi Imron Xon ishonchsizlik votumi natijasida lavozimidan chetlashtirilgandi, deb xabar beradi tass.ru.
