Bugun Oʻzbekiston hududi boʻyicha havo asosan kam bulutli boʻladi, yogʻingarchilik kutilmaydi. Janubda va choʻl hududlarda baʼzi joylarda shamol 15-18 m/s gacha kuchayishi, ayrim joylarda chang toʻzon bilan kuzatilishi mumkin. Havo harorati +20...+23 daraja boʻladi.
Shanba va yakshanba kunlari respublika hududi boʻyicha quruq va iliq ob-havo saqlanib turadi. Kunduzgi havo harorati koʻtariladi va +23...+25 darajani, shimolda, janubda va choʻl hududlarda +27...+29 darajani tashkil etadi.
Respublikaning togʻli hududlarida 24-26-mart kunlari baʼzi joylarda yomgʻir yogʻishi, baland togʻlarda yogʻingarchilik (yomgʻir, qor) boʻlishi mumkin.
Poytaxtimizda: havo biroz bulutli boʻladi, vaqti-vaqti bilan oʻzgarib turadi, Kuchsiz shamol esadi. Harorat kechasi +8...+10 daraja, kunduzi +22...+25 daraja boʻladi.
