Uchrashuvda AKT vazirligi xodimlari va xalqaro universitetdan iborat delegatsiya ham ishtirok etdi.
Uchrashuvda Oʻzbekistonda taʼlim sohasining rivojlanishi bilan tanishish, shuningdek, hamkorlik imkoniyatlari muhokama qilindi.
Taʼkidlash kerakki, Amerika Xalqaro universiteti – Bangladesh (AXUB) (American International University — Bangladesh (AIUB)) 1994-yilda Dakka shahrida tashkil etilgan. Bugungi kunda universitetda 9 500 dan ortiq talaba tahsil oladi.
Professor-oʻqituvchilar tarkibi mahalliy va xorijiy mutaxassislar – 350 nafar oʻqituvchilardan iborat. Universitetda 4 ta fakultet va 16 ta xalqaro akkreditatsiyadan oʻtgan dasturlar mavjud.
Uchrashuv davomida ikki tomonlama taʼlim va axborot texnologiyalari sohalarida loyiha hamda istiqbolli chora-tadbirlar, shuningdek, AKT sohasi uchun malakali kadrlar tayyorlash, ilgʻor loyihalarni amalga oshirish masalalariga eʼtibor qaratildi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.
