Bu haqda I.M. Sechenov nomidagi Moskva davlat tibbiyot universiteti reabilitatsiya markazi direktori Konstantin Ternovoy hamda ortoped Andrey Litvinenko maʼlum qildi.
Kuzda nam va sovuq ob-havo boʻgʻim ogʻriqlarini qoʻzgʻatishi va mushak-skelet tizimining kasalliklarini – artroz, artrit, osteoxondroz, mushaklar va tendonlarning turli xil yalligʻlanishlarini kuchaytirishi mumkin.
“Mushak-skelet tizimining deyarli barcha kasalliklari ob-havoning oʻzgarishi, kuzda esa ob-havoning sovishi bilan bogʻliq. Avvalo, katta boʻgʻimlarning (tizza, son, yelka) va kichik boʻgʻimlarning (barmoqlarning boʻgʻimlari, qoʻllarning boʻgʻimlari) kasalliklarining kuchayishini eslatib oʻtish kerak”, deb tushuntirdi ortoped Litvinenko oʻz intervyusida.
Uning aniqlik kiritishicha, mushak-skelet tizimining deyarli barcha kasalliklari maʼlum bir bosqichda kuz va bahorda kuchayishi mumkin, shuning uchun bu davrlarda issiqroq kiyinish va fizioterapiya bilan shugʻullanish kerak. Uning hamkasbi Konstantin Ternovoyning qoʻshimcha qilishicha, issiq, suv oʻtkazmaydigan kiyim, masalan, mentol asosidagi isituvchi malhamlar ham yordam beradi, bu esa boʻgʻimlarga qon oqimini oshiradi.
