Oʻn sotix yerda plyonka ostida parvarishlangan “Dokorol” qovun navlari ertapisharligi, shirin taʼmi bilan ajralib turadi. Ayni kunda bir kilogramm qovun ulgurji narxda 30-35 ming soʻmdan sotilmoqda.
– Dastlabki hosilning oʻzidan 50 million soʻmdan ortiq daromad olishni koʻzlab turibmiz, – deydi usta tomorqachi paykal oralab pishgan qovunlarni saralab. – Mahsulotlarimizni ichki bozordan tashqari, yaqin qoʻshni mamlakatlarga ham eksport qilamiz. Oʻtgan yili Rossiyaga ham qovun sotganmiz.
Tomorqachilikni rivojlantirish, mirishko tomorqachilar ish tajribalarini ommalashtirish, qoʻllab-quvvatlashgan boʻlgan eʼtibor tufayli mahalla hududida tomorqachilik tobora taraqqiy etib bormoqda. Ayni kunda 754 ta aholi tomorqasidagi 35 gektar yerda ertangi qonuv yetishtirish yoʻlga qoʻyilgan.
– Oʻtgan yilning oʻzida aholi tomorqa xoʻjaliklarida poliz va sabzavotchilik yoʻnalishida issiqxona tashkil etish uchun 300 mln soʻm imtiyozli kredit mablagʻlari berilgan, – deydi “Besarang” mahalla fuqarolar yigʻini raisi Dilmurod Qosimov. – Joriy yilda tomorqachilik, oilaviy tadbirkorlikni rivojlantirish uchun 1 mlrd. 200 mln. soʻm kredit mablagʻlari ajratish borasida amaliy takliflar berdik.
Rasuljon Kamolov,
“Yangi Oʻzbekiston” muxbiri