Grant ajratish boʻyicha tegishli shartnoma 7-avgust kuni imzolandi. Shveysariya tomoni grant ajratish orqali Innovatsiya, texnologiya va strategiya markazi tomonidan amalga oshirilayotgan “Maktab taʼlimi uchun masofaviy oʻqitishni yoʻlga qoʻyish” loyihasiga hissa qoʻshayotgan mahalliy va xalqaro hamkorlar qatoriga qoʻshildi.
Loyiha doirasida Maktab.uz onlayn taʼlim platformasi yaratiladi va tegishli darslar bilan toʻldiriladi. Shuningdek, oʻqituvchilarni psixologik, kasbiy jihatdan qoʻllab-quvvatlash hamda zarur hollarda kompyuter texnikasi bilan taʼminlash koʻzda tutilgan, deb xabar beradi “Dunyo” AA.