Mazkur elektr stansiya yiliga 1,7 milliard kVt/soat elektr energiyasi ishlab chiqaradi.
Stansiyada oʻrnatilgan qurilmalarning foydali ish koeffitsiyenti yuqoriligi hisobiga yiliga 150 million metr kub tabiiy gaz tejaladi. Tejalgan tabiiy gaz bilan qoʻshimcha 685 million kVt/soat elektr energiyasi ishlab chiqarish imkoni yaratiladi.
Ahamiyatlisi, stansiya qurilishi davomida 700 nafargacha, ishga tushgandan keyin esa 100 nafar yangi ish oʻrni yaratildi.
Eslatib oʻtamiz, joriy yil 29-martda Oʻzbekiston va Turkiya Prezidentlari tomonidan mazkur elektr stansiya qurilishiga start berilgan edi, deb xabar beradi Energetika vazirligi matbuot xizmati.
