Ularning avtobusi Qaragʻandi-Astana yoʻlida qolib ketgan, deb xabar beradi Kazinform.
12-dekabr kuni kechqurun Qaragʻandi viloyati politsiya departamenti boshligʻining birinchi oʻrinbosari Qurmangʻali Ismagʻulov viloyat politsiya departamenti patrul xizmati batalyoni xodimlari bilan birgalikda Qaragʻandidan Aqmola viloyati bilan chegaragacha boʻlgan asosiy trassada kuzatuv oʻtkazdi. Tekshiruvdan koʻzlangan maqsad - yoʻlda ayozlarning kuchayishi bilan bogʻliq baxtsiz hodisalarning oldini olishdan iborat. Noqulay ob-havo tufayli dizel va jamoat transporti harakati toʻxtatilgan.
Temirtau tashqarisida, pullik terminalda politsiyachilar yoʻlovchilar bilan toʻxtab qolgan avtobusni payqab qolgan. Janubiy hududdan Astana shahriga ketayotgan 20 nafar Oʻzbekiston Respublikasi fuqarosi boʻlgan yoʻnalish avtobusi yoʻl toʻsib qoʻyilgani sababli toʻxtashga majbur boʻldi. Ular yakshanba kuni yoʻlga chiqqan. Balqashda qattiq ayoz tufayli bir kun toʻxtashga majbur boʻlgan. Va butun vaqtni avtobusda oʻtkazgan. Seshanba kuni harakatni davom ettirgan, lekin qattiq sovuq tufayli yana Temirtaudan tashqarida toʻxtagan.
- Xorijiy fuqarolar eng yaqin aholi punktiga yetib borishda yordam soʻrab, yonilgʻi zahirasi va oʻzlari bilan olib kelgan pullari tugab qolganligi sababli politsiyaga murojaat qilgan. Dori-darmoni tugab qolgan qandli diabetga chalingan ayolga ham yordam koʻrsatish zarurati tugʻildi. Oʻzbekiston fuqarolari boʻlgan avtobus xizmat mashinalari hamrohligida Osakarovka qishlogʻiga yetib keldi. Bu yerda odamlar madaniyat markaziga joylashtirildi, u yerda uxlash joylari tayyorlandi. Bundan tashqari, ularning hammasi issiq ovqat bilan taʼminlandi”, - deya xabar berdi Qaragʻandi viloyati PD matbuot xizmati.
