Sirli Kushon qabilasi yunonlar madaniyatini, eroniylarning tilini va buddaviylar eʼtiqodini oʻzlashtirgan edi.

Ular dunyo sahnini tark etib, oʻzidan koʻplab sirlarni qoldirdi.

Shoʻrchi tumanidagi Dalvarzintepa yodgorligi xarobalari Kushonlar davlatining birinchi poytaxti hisoblanadi.

Oʻtmishda yirik imperiyalardan biri boʻlgan bu davlatga qanday asos solingan? Oʻz zamonida bu saltanatning dunyo miqyosida oʻrni qanday boʻlgan?

“Koʻlanka podsholik” deya nom olgan Kushon tamadduni qanday tanazzulga uchragan?

Bu haqda hamon olimlar oʻrtasida bahs davom etib kelmoqda.

Qadim Sugʻdiyona hududidan topilgan pul birliklari orasida Kushonlar davriga oid tangalar juda koʻp.

“Shohlar shohi” va “Buyuk najotkor” deb atalgan Kanishka davridagi tanga namunalari II asrga oid.

Undan keyin ham Sugʻdiyona hududida rim tangalari va boshqa tamaddun pul birliklari topilgan.