“Qishloq xo'jaligi transportini avtonom boshqarish tizimlarining yetakchi ishlab chiqaruvchisi Cognitive Pilot sun'iy intellekt tomonidan boshqariladigan va dunyoda o'xshashi yo'q, Rossiyadagi birinchi to'liq avtonom, simsiz mini traktorni taqdim etdi. Mashina Tomskdagi robototexnika mahsulotlarini ishlab chiqarishga mo'ljallangan Cognitive Pilot zavodida loyihalashtirilgan va ishlab chiqarilgan”, deyiladi kompaniya xabarida.

Bunday traktor asosan qishloq xo'jaligi ishlarini bajarishi mumkin. Robot bajarilgan ishlarning sifatini nazorat qilish va uskunaning holatini kuzatish imkonini beruvchi datchiklar bilan jihozlangan. Shuningdek, mini-traktorga tuproqning fizik-kimyoviy ko'rsatkichlarini nazorat qiladigan tizim o'rnatilgan.

Ishlab chiquvchilarning ta'kidlashicha, bunday robotlar mashaqqatli mehnatni intellektual mehnat bilan almashtirish, shuningdek, mexanizatorlar yetishmasligi bilan bog'liq muammolarni hal qilish imkonini beradi.

Ishlab chiquvchilar 2025-yilda sun'iy intellektga ega Cognitive Pilot mini traktorlarini seriyali ishlab chiqarishni boshlashni rejalashtirmoqda, deb xabar beradi ria.ru.