Bosh prokuratura huzuridagi Departamentning Muzrabot tumani boʻlimi tomonidan oʻtkazilgan tergovga qadar tekshiruvda, fuqaro M.R. oʻziga tegishli novvoyxonada tijorat maqsadida umumiy foydalanishdagi tabiiy gaz tarmogʻiga oʻzboshimchalik bilan toʻgʻridan-toʻgʻri ulanib, 160,1 mln soʻmlik tabiiy resurslardan noqonuniy foydalanganligi aniqlangan.
Shuningdek, Departamentning Oltinsoy tumani boʻlimi tomonidan oʻtkazilgan tergovga qadar tekshiruvda “J.I.” MCHJ rahbari H.Q. aholiga suyultirilgan gaz tarqatish shoxobchasida tijorat maqsadida umumiy foydalanishdagi elektr tarmogʻiga oʻzboshimchalik bilan toʻgʻridan-toʻgʻri ulanib, 62,9 mln soʻmlik energiya resurslaridan noqonuniy foydalanganligi aniqlangan.
Hozirda, mazkur holatlar yuzasidan Jinoyat kodeksining 169-moddasi (oʻgʻrilik) bilan jinoyat ishlari qoʻzgʻatilib, tergov harakatlari oʻtkazilmoqda.
