Bu haqda viloyat hokimligi axborot xizmati maʼlum qildi.
Surxondaryo viloyati hokimi Ulugʻbek Qosimov Termiz tumanida barpo etilayotgan “Yangi Oʻzbekiston” massivida amalga oshirilayotgan qurilish ishlari, Termiz shahri “Farovon” massivida qurilishi tugallangan 7 qavatli, 84 xonadonli turar joylar sharoitlari, yoʻli qurilishi va hududni obodonlashtirish ishlari bilan tanishdi.
Shuningdek, Respublika sud-tibbiy ekspertiza markazi Surxondaryo viloyati filialining yangidan qurilgan binosini foydalanishga topshirish marosimida ishtirok etdi. 
Bugunning oʻzida 74 ta maktab, 8 ta bogʻcha, 7 ta tibbiyot muassasalari, 20 km uzunlikdagi 9 ta yoʻl obyekti, 1 ta koʻprik va 3 ta irrigatsiya obyektlari foydalanishga topshirildi.
Toshkent tibbiyot akademiyasi Termiz filialining 1 500 oʻrinli oʻquv binosi qurilishi koʻzdan kechirilib, oliygohning majlislar zalida qurilish sohasida davlat dasturlarining ijrosi yuzasidan mutasaddilarning axborotlari tinglandi.
