Izlanish davomida mutaxassislar tomonidan 85 ming nafar ishtirokchining maʼlumotlari tahlil qilindi. Yorugʻlik sensorlari orqali qayd etib borilgan 13 million soatlik maxsus yozuvlar oʻrganildi.
Buning uchun diabetning 2-turi bilan ogʻrimagan koʻngillilar bir hafta davomida maxsus qurilmani bilaklariga taqib yurishdi. Shundan soʻng toʻqqiz yil davomida ularning salomatlik koʻrsatkichlari monitoring qilib borildi.
Yakunda yorugʻlik taʼsiri va 2-tur qandli diabetning rivojlanish xavfi oʻrtasida sezilarli bogʻliqlik mavjudligi aniqlandi. Tunda yorqin chiroq nuri insulin sekretsiyasi va glyukoza metabolizmiga taʼsir qilishi maʼlum boʻldi.
Tadqiqotchilarning “The Lancet Regional Health — Europe” tibbiy jurnalida eʼlon qilingan xulosasiga koʻra, eng yuqori xavf darajasi tungi 00:30 dan tonggi 06:00 gacha kuzatiladi. Ammo kunduzgi yorugʻlik salomatlik uchun ziyon yetkazmaydi.