Jumladan, investorlar uchun zarur boʻlgan 7 mingdan ziyod xomashyo va tovarlarga bojxona bojlari bekor qilindi.
Bojxona hududida qayta ishlashning soddalashgan tartibi joriy etildi.
Tashqi savdo va raqobat muhitini yangi bosqichga olib chiqish, yangi-yangi bozorlarga kirish maqsadida Oʻzbekiston Jahon savdo tashkilotiga qoʻshilish borasidagi ishlarni jadallashtirdi.
“Alohida taʼkidlab oʻtmoqchiman, Jahon savdo tashkiloti talablari islohotlarimiz mazmuniga toʻla mos va biz ushbu nufuzli tashkilotga tezroq aʼzo boʻlib kirishdan manfaatdormiz”, - dedi Prezident.
Hozir aʼzo mamlakatlar bilan muzokaralar olib borish hamda milliy qonunchilikni Jahon savdo tashkiloti qoidalari bilan uygʻunlashtirish qizgʻin bosqichda.
