Bugun oʻtkaziladigan navbatdagi turda Nodirbek Abdusattorov niderlandiyalik Anish Giri bilan roʻbaroʻ keladi.

Ushbu shaxmatchilarning mazkur turnirdagi avvalgi koʻrsatkichlariga eʼtibor qaratsak, aynan 2024-yilgi “Tata Steel Chess” turnirida Abdusattorov oq donalarda Girini 7-turda magʻlubiyatga uchratgan boʻlsa-da niderlandiyalik shaxmatchi keyingi turlardagi muvaffaqiyatli ishtiroki tufayli turnirni 3-oʻrinda, Nodirbek 4-oʻrinda yakunlagan edi. 2023-yilgi turnirda Giri gʻoliblikni tantana qilgan. Ammo 11-turda oq donalarda boʻlishiga qaramasdan Nodirbek bilan durangga erishgan.

Bu gal Anish Giri oq, Nodirbek Abdusattorov qora donalarda harakatlanishi uchrashuv qaysidir maʼnoda revansh jangi koʻrinishini olishini anglatmoqda.