UzA'ning yozishicha, “Masters“ guruhida gʻoliblik uchun kurash olib borayotgan hamyurtimiz Nodirbek Abdusattorov 1-turda qora donalarda hindistonlik Rameshbabu Pragnanandxa bilan kuch sinashgan.
Oʻziga xos kechgan kurashning 42-yurish holatidagi tenglik tomonlarning murosa yoʻlini tanlashiga olib keldi.
Xalqaro turnirning 2-turida Abdusattorov yana bir hindistonlik Leon Lyuk Mendonka bilan oq donalarda kuch sinashadi.
Musobaqaning “Chellenjer” guruhida dona surayotgan Nodirbek Yoqubboyev dastlabki turda hindistonlik Divya Deshmux bilan roʻbaroʻ keldi. Uchrashuvning 48-yurish vaziyatida qora donalarda harakatlangan hamyurtimiz gʻalabani tantana qildi.
Endi turnirning 2-turida Yoqubboyev oq donalarda qozogʻistonlik Kazebek Nogerbek bilan bahs olib boradi.
1-tur yakunlariga koʻra, Abdusattorov 8 nafar shaxmatchi singari 0,5 ochko bilan qoʻshimcha koʻrsatkichlarga koʻra, 4-oʻrinni egallab turibdi.
13 ta turdan iborat “Tata Steel Chess-2025” musobaqalari 2-fevralga qadar davom etadi.
