Surxondaryo viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi tomonidan mazkur holat nazoratga olindi, deya xabar beradi Qurilish va uy-joy kommunal xoʻjaligi vazirligi axborot xizmati.
Maʼlumot uchun, Termiz shahri “Guliston” MFY hududidagi 5 qavatli 20 xonadonli turar joyning tashqi devor yon tomonidan 35-40 metr-kvadrat qismi kuchli shamol taʼsirida koʻchib tushgan.
Hozirda buyurtmachi-pudratchi tashkilot “Termiz qurilish industriya sanoat” IK tomonidan muammoni bartaraf etish maqsadida barcha kerakli qurilish materiallari olib kelingan va tegishli ishlar olib borilmoqda.
