Koʻrgazmaning asosiy maqsadi sohadagi soʻnggi tendensiyalarni namoyish etishdan iborat. “Tashkent Fashion & Textile Expo” — Toshkent shahrida boʻlib oʻtadigan moda, charm-poyabzal, toʻqimachilik va charmsanoat uskunalari sohasidagi xalqaro ixtisoslashtirilgan koʻrgazma sanaladi. Koʻrgazmada Rossiya, Oʻzbekiston, Qozogʻiston, Turkiya, Qirgʻiziston, Belarus kabi davlatlar vakillari ishtirok etdi. Koʻrgazma 6 ta boʻlimda tashkil etildi.
Mazkur xalqaro koʻrgazmada “Oʻzcharmsanoat” uyushmasiga aʼzo korxonalar ham oʻz mahsulotlari bilan ishtirok etdi. Korxonalarmiz stendlarida charm-poyabzal va moʻyna sanoatining soʻngi tendensiyalari va yutuqlari oʻrin oldi. Shuningdek, tekstil sanʼatining yirik ishlab chiqaruvchilari oʻz mahsulotlarini xorijiy hamkorlarga taqdim etdi. Manfaatli aloqalar yoʻlga qoʻyildi, deb xabar beradi “Oʻzcharmsanoat” uyushmasi matbuot xizmati.
