“Mamlakatimizga toʻgʻridan-toʻgʻri xorijiy investitsiyalarni jalb etishni ragʻbatlantirishning qoʻshimcha chora-tadbirlari toʻgʻrisida”gi Prezident Farmoni (PF-97-son, 23.06.2025-y.) qabul qilindi.
Farmonga koʻra, Soliq kodeksida belgilangan alohida soliqlar boʻyicha imtiyozlar Toshkent viloyatidagi 4 va 5-toifadagi tumanlarda roʻyxatdan oʻtgan va shu hududlarda faoliyat yuritadigan tadbirkorlarga ham tatbiq etilishi belgilandi.
Shuningdek, Prezident Farmoni ) bilan tasdiqlangan Toʻgʻridan-toʻgʻri xususiy xorijiy investitsiyalar uchun beriladigan imtiyozlar joriy etiladigan iqtisodiyot tarmoqlari roʻyxatiga “qishloq xoʻjaligi mahsulotlarini yetishtirish” yoʻnalishi kiritiladi.
“Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi Qonun (OʻRQ–1074-son, 10.07.2025-y.) qabul qilindi.
Prezidentning tegishli Qarorga koʻra, 2025/2026 oʻquv yilidan Respublika olimpiya va paralimpiya sport turlariga tayyorlash markazida oʻqish jarayoni 2 ta bosqichda amalga oshiriladi.
“Jasorat maktablari”ga oʻquvchilarni qabul qilish va oʻquv-tarbiyaviy jarayonni tashkil etish tartibi toʻgʻrisida”gi nizom Adliya vazirligida davlat roʻyxatidan oʻtkazildi (roʻyxat raqami: 3636-son, 01.07.2025-y.)
“Tovarlarga nisbatan imtiyozlarni qoʻllash boʻyicha bojxona organlarining dastlabki qarorlarini berish tartibi toʻgʻrisida“gi nizom Adliya vazirligida davlat roʻyxatidan oʻtkazildi (roʻyxat raqami: 3634-son, 01.07.2025-y. )
