Ogʻir uskunalar ishlab chiqaruvchi Caterpillar kompaniyasi 793 Electric deb nomlangan, 2650 ot kuchiga ega boʻlgan, toʻliq elektrda yuradigan, togʻ-konda harakatlanishga moʻljallangan yuk mashinasi prototipini namoyish etdi.
Yuk mashinasi kompaniyaning Arizona shtatidagi poligonida sinovdan oʻtkazildi. Samosval 265 tonna ogʻirlikdagi yukni 7 kilometr masofaga olib oʻtgan (taqqoslash uchun, dunyodagi eng kuchli togʻ-kon samosvalining yuk koʻtarish quvvati BelAZ-75710 450 tonna). Maksimal tezlik 60 km/soatga yetdi.
Yoʻlda u 10 graduslik nishabga 12 km/soat tezlikda koʻtarildi. Togʻ-kon yoʻnalishidagi yirik kompaniyalar – BHP, Freeport-McMoRan, Newmont Corporation, Rio Tinto hamda Teck Resources Limited Caterpillar kompaniyasi bilan hamkorlikni yoʻlga qoʻydi. Chunki mazkur kompaniyalar kelajakda oʻz faoliyatlarida bu turdagi elektr yuk mashinalaridan foydalanishni rejalashtirmoqda.
