Toshkent metrosining 9 bekatida ona va bola xonasi hamda hojatxona quriladi. Bu haqda “Toshkent metropoliteni” DUK axborot xizmati maʼlum qildi.
Maʼlum qilinishicha, soʻnggi yillarda yoʻlovchilarga qoʻshimcha qulayliklar yaratish maqsadida Toshkent metropoliteni tomonidan bir qancha tizimli ishlar amalga oshirilmoqda. Jumladan, bundan bir muddat oldin poytaxt metropolitenining “Chilonzor” bekatida sinov tariqasida ona va bola xonasi hamda hojatxona ishga tushirilgan edi.
Yoʻlovchilar tomonidan ushbu qulaylik iliq kutib olingani va sinov jarayonlari oʻzini oqladi.
Shuningdek, boshqa bekatlarga nisbatan yoʻlovchilar bilan gavjum boʻlgan yana 9 ta metro bekatida ona va bola xonasi hamda hojatxona qurilishi uchun zarur ishlar amalga oshirilishi boshlanmoqda.
