Qayd etilishicha, fuqaro D.K. “R.” ismli shaxs bilan oldindan til biriktirib, raqamli kripto valyuta savdosi bilan noqonuniy shugʻullanib, 1V (bitkoin) elektron pul birligini 49 670 AQSH dollariga baholab, 0,45 (bitkoin) elektron pul birligiga oʻzining 5 foiz ustama foydasini qoʻshib hisoblab 0,45 (bitkoin) elektron pul birligini kelishilgan “elektron hamyon”ga oʻtkazib berib, evaziga xaridordan 23 400 AQSH dollari va 800 ming soʻmni olgan vaqtida ashyoviy dalillar bilan ushlangan.

Mazkur holat yuzasidan D.K. va “R.” ismli shaxslarga nisbatan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) va 190-moddasi (faoliyat bilan litsenziyasiz shugʻullanish) bilan jinoyat ishi qoʻzgʻatilib, tergov harakatlari oʻtkazilmoqda.